Хорио цээрийн дэглэм нэг суманд хэрэгжиж байна

Эх сурвалж: ХХААХҮЯам

Munkhtuya | 2018.05.22 13:00


Өнөөдрийн байдлаар (2018.05.22) Архангай аймгийн Өгийнуур суманд хорио цээрийн дэглэм хэрэгжиж байна. Сүүлийн мэдээгээр Архангай аймгийн Ихтамир суманд хэрэгжиж байсан хорио цээрийн дэглэм 5 дугаар сарын 18-нд цуцлагдсан. 4 дүгээр сарын 25-наас хойш өвчлөл нэмж бүртгэгдээгүй. 2018 оны хаврын шүлхийн вакцинжуулалтын гүйцэтгэл улсын хэмжээнд дунджаар 70,4 хувийн гүйцэтгэлтэй байна. 

2018 оны 5 дугаар сарын 17-ны мэдээ: 

Өнөөдрийн байдлаар Архангай аймгийн Өгийнуур, Ихтамир суманд шүлхий өвчний үеийн хорио цээрийн дэглэм хэрэгжиж байна. 5 дугаар сарын 5-нд Өвөрхангай аймгийн Өлзийт сум, 7-нд Архангай аймгийн Хотонт сум, 13-нд Өвөрхангай аймгийн Зүүнбаян-Улаан, 14-нд Төв аймгийн Жаргалан суманд хэрэгжиж байсан хорио цээрийн дэглэм цуцлагдлаа. Ийнхүү 4 дүгээр сарын 20-ноос хойш өвчлөл нэмж бүртгэгдээгүй бөгөөд хорио цээрийн дэглэмийг мөрдөж ажилласнаар өвчний хүрээ тэлэлгүй, хумигдсаар байна. 

2018 оны хаврын шүлхийн вакцинжуулалтын тухайд, аймаг, орон нутагт харилцан адилгүй буюу 35,9-96,2 хувийн биелэлттэй байгаа бөгөөд улсын хэмжээнд дунджаар 66,5 хувийн гүйцэтгэлтэй байна. 

2018 оны 5 дугаар сарын 7-ны мэдээ

Өнөөдрийн байдлаар Архангай аймгийн Хотонтын сум дамнасан голомт /Хотонт, Өгийнуур/, Ихтамир сум, Өвөрхангай аймгийн Өлзийт, Зүүнбаян-Улаан сум, Төв аймгийн Жаргалант сум гэсэн нийт гурван аймгийн зургаан суманд хорио цээрийн дэглэм хэрэгжиж байсан. Тэгвэл үүнээс 3 дугаар сарын 24-нөөс Өвөрхангай аймгийн Өлзийт суманд хэрэгжсэн хорио цээрийн дэглэмийг цуцаллаа. Ийнхүү шүлхий өвчний тархалт хумигдсаар 2018 оны 4 дүгээр сарын 25-ны өдрөөс хойш хорио цээр бүхий сумдад өвчлөл нэмэгдээгүй, одоогоор гурван аймгийн таван суманд хорио цээрийн дэглэм хэрэгжиж байна. 

Энэ сарын 9-нд ирүүлсэн мэдээгээр бол шүлхий өвчнөөс сэргийлэх 2018 оны хаврын вакцинжуулалт улсын хэмжээнд дунджаар 45 хувьтай байна. Өөрөөр хэлбэл, нийт 1,7 сая гаруй толгой малыг вакцинжуулаад байгаа бөгөөд вакцинжуулалтын явц Төв аймагт хамгийн өндөр буюу 86 хувь, Архангай аймагт 76 хувь, нийслэлд 74 хувь, Дундговь аймагт 68 хувьтай тус тус явагдаж байна. 


Зохиогчийн эрх ©2018 Хүнс, хөдөө аж ахуй, хөнгөн үйлдвэрийн яам