Одоогийн байдлаар есөн улсад 43,2 мянган тонн мах, махан бүтээгдэхүүн экспортлоод байна

Эх сурвалж: ХХААХҮЯам

Munkhtuya | 2018.11.16 13:01


2018 оны 11 дүгээр сарын 7-ны өдрийн экспортын гүйцэтгэлээр нийт 43288 тонн мах, махан бүтээгдэхүүн экспортолж, 104 сая ам.доллар буюу 267,4 тэрбум төгрөгийн экспорт хийгээд байна. Махны төрөл, экспортолсон улсаар нь авч үзвэл, ОХУ, мөн улсын транзит зөвшөөрлөөр БНСВУ-ын чөлөөт бүсэд 955 тонн үхрийн мах, БНХАУ, ОХУ, Казакстан, Япон Улсад 22492 тонн адууны мах, Иран, БНСВУ, Малайз, Хонконг Улсад 3814 тонн хонь, ямааны мах, дулааны аргаар боловсруулсан мах 16027 тонн-ыг тус тус экспортолжээ. Энэ нь өмнөх онуудтай харьцуулсан үзүүлэлтээр экспортын мах махан бүтээгдэхүүний нэр төрөл нэмэгдэж, дулааны аргаар боловсруулсан махны экспорт өссөн үзүүлэлт юм. 


Зохиогчийн эрх ©2018 Хүнс, хөдөө аж ахуй, хөнгөн үйлдвэрийн яам