Гурилын үйлдвэрлэл

Монгол хүний хоол хүнсний хэрэглээнд гурил, гурилан бүтээгдэхүүн томоохон байр суурь эзэлдэг бөгөөд улаанбуудайн гурилыг стратегийн хүнсний бүтээгдэхүүний ангилалд багтаан үздэг.

Улсын хэмжээнд 2015 оны байдлаар 940.2 мян.тн үр тариа тээрэмдэх суурилагдсан хүчин чадал бүхий 60 гурилын үйлдвэр, цех байгаагаас 42 гурилын үйлдвэр, цех тогтмол үйл ажиллагаа явуулан нийт хүчин чадлын 23%-ийг ашиглан нийт 209.4 мян.тн буюу дээд зэргийн 39.8 мян.тн, 1-р зэргийн 147.4 мян.тн, 2-р зэргийн 22.1 мян.тн, хөх тарианы 258.0 тн гурил үйлдвэрлэсэн байна.

2016 оны 11-р сарын байдлаар Хүнсний бүтээгдэхүүн, ундаа үйлдвэрлэлийн салбарт нийт 13361 ажиллагсад ажиллаж байгаагаас үр тарианы гурил үйлдвэрлэлийн салбарт 1632 ажиллагсад ажиллаж байна.

Хүнсний боловсруулах үйлдвэрлэл 941.1 тэрбум төгрөгийн үйлдвэрлэл хийсэн бол үүнээс гурил үйлдвэрлэлийн салбар 156.9 тэрбум төгрөгийн 173.6 мян.тн гурил үйлдвэрлэж, 158.7 тэрбум төгрөгийн борлуулалт хийсэн байна.  

Гурилын үйлдвэрлэл, хангамж, 2012-2015

Зохиогчийн эрх ©2017 Хүнс, хөдөө аж ахуй, хөнгөн үйлдвэрийн яам