ХХААХҮ-ийн сайд З.Мэндсайхан Куба улсаас Монгол улсад суугаа элчин сайд Раул Делгадотай уулзлаа.

Эх сурвалж: ХХААХҮЯам

mofa_admin | 2020.12.22 10:58


Монгол улс Куба улстай дипломат харилцаа тогтоосны 60 жилийн ой энэ жил тохиож байгаа.  Энэ хүрээнд талууд хамтын ажиллагааны хүрээнд хийж хэрэгжүүлсэн ажлуудыг хэлэлцэн цаашид хоёр орны эдийн засаг, бизнес, хөрөнгө оруулалтын хамтын ажиллагааг улам өргөжүүлж, хүнс, хөдөө аж ахуй, хөнгөн үйлдвэрийн салбарын хамтын ажиллагаагаа улам эрчимжүүлэхэд анхааран ажиллахаа илэрхийллээ.

Мөн Биорат бүтээгдэхүүнийг манай улсын өргөн уудам бэлчээрт их хэмжээгээр ашиглах технологийн зөвлөмж боловсруулахад чиглэгдсэн хамтарсан судалгаа хийх; Уг бүтээгдэхүүнийг гадаад улсаас импортлоход өртөг өндөртэй байгаа тул манай улсад үйлдвэрлэсэн улаанбуудайг дүүрэгч түүхий эд болгон ашиглаж дотооддоо үйлдвэрлэх замаар өртөгийг бууруулах талаар санал солилцох;

Зөвхөн Биорат бүтээгдэхүүнээр хязгаарлалгүй ургамал хамгаалал, ариутгал, халдваргүйжилтийн зорилгоор үйлдвэрлэдэг биологийн гаралтай бүтээгдэхүүнийг манай улсын хөдөө аж ахуй, таримал ургамлын салбарт ашиглах боломжийг судалж хамтран ажиллах зэрэг саналыг салбарын сайдад танилцууллаа.

Видео мэдээг энд дарж үзнэ үү.


Зохиогчийн эрх ©2021 Хүнс, хөдөө аж ахуй, хөнгөн үйлдвэрийн яам