Оёмол бүтээгдэхүүний үйлдвэрлэл

OЁМОЛ БҮТЭЭГДЭХҮҮН, ХУВЦАС ҮЙЛДВЭРЛЭЛИЙН САЛБАР

Оёмол бүтээгдэхүүн, хувцас үйлдвэрлэлийн салбар нь ноос, ноолуур, арьс ширэн түүхий эдийг эцсийн бүтээгдэхүүн болгон нэмүү өртөг хамгийн их шингээдэг үйлдвэрлэлийн  салбар юм.  Оёдлын салбар нь харьцангуй бага хөрөнгө оруулалтаар олон хүний ажлын байр бий болгодог,  ажиллагсдын 90 гаран хувийг эмэгтэйчүүд эзэлдэг, түүхий эдийг бүрэн боловсруулан эцсийн бүтээгдэхүүн үйлдвэрлэдэг нийгэм, эдийн засгийн өндөр үр өгөөжтэй, онцлог, чухал салбар юм.

Оёмол бүтээгдэхүүн, хувцас үйлдвэрлэлийн салбарт хийгдсэн онцлох ажлуудаас дурдвал:

  • Монгол хүүхдийн биеийн хэмжээний судалгаа хийгдэж, сургуулийн насны хүүхдийн биеийн хэмжээний стандартыг боловсруулан батлууллаа. Монгол улсын 6-18 насны хүүхдийн биеийн дундаж хэмжээ, стандарт гарснаар үйлдвэрлэлээс гадна хүүхдийн биеийн хөгжлийн талаарх бодлогыг тодотгож, улс орны нийгэм, эдийн засгийн хөгжил, хүүхдийн эрүүл мэндэд анхаарахад оруулах хувь нэмрийг шинээр тодорхойлох боломжийг бүрдүүлэв. Судалгааны үр дүнгээр хүүхдийн биеийн дундаж хэмжээс, 3D дүрсжүүлсэн /avatar/ зураг гаргасан нь контент болон хувцасны үйлдвэрлэл, загвар зохион бүтээлтэд ашиглагдах манекен үйлдвэрлэх суурь мэдээллийн сан бий боллоо. Сургуулийн насны хүүхдийн биеийн хэмжээний стандартыг зөвхөн оёдлын салбарт төдийгүй хүүхдэд зориулсан бүх төрлийн бүтээгдэхүүнийг  эрүүл ахуй, эргономикийн шаардлагад нийцсэн бүтээгдэхүүн үйлдвэрлэлийг нэмэгдүүлэхэд чухал ач холбогдолтой ажил болсон юм.                     
  • Хэрэглэгчдийг чанар стандартын шаардлага хангасан сурагчийн дүрэмт хувцас хувцасаар хангах, үндэсний үйлдвэрийн зах зээлийг хамгаалж ,үйлдвэрлэл борлуулалтыг нэмэгдүүлэх зорилгоор сурагчийн дүрэмт хувцасны стандартын төслийг боловсруулснаар Сурагчийн дүрэмт хувцас.Техникийн шаардлага MNS 6813:2019” стандарт батлагдан мөрдөгдөж байна.
  • “Оёмол бүтээгдэхүүн, хувцас үйлдвэрлэгчдийн ажил, мэргэжлийн ур чадварын аварга шалгаруулах улсын анхдугаар уралдаан”-ыг зохион байгууллаа: Хөнгөн үйлдвэрийн 85 жилийн ойг тохиолдуулан зохион байгуулж буй бүтээлч ажлын хүрээнд Хүнс хөдөө аж ахуй, хөнгөн үйлдвэрийн яамнаас оёмол бүтээгдэхүүн, хувцас үйлдвэрлэлийн салбарын ажил мэргэжлийн ур чадварын аварга шалгаруулах Улсын анхдугаар уралдааныг санаачлан Оёдлын салбарын нэгдсэн мэргэжлийн холбоотой хамртан  ажиллаа. Уг арга хэмжээг чадварлаг, шилдэг боловсон хүчнийг нээн илрүүлэх, тэдний ур чадвар, сайн туршлагыг түгээн дэлгэрүүлэх, өөрийн ур чадвараа танин мэдэх, туршлага солилцох, чадваржих хүсэл эрмэлзлийг төрүүлэн хөгжүүлэх, салбарын боловсон хүчний үнэлэмжийг дээшлүүлэх, олон нийтэд сурталчилан зорилгоор 5 төрлөөр зохион байгууллаа.

         

Америкийн нэгдсэн улсад оёмол, сүлжмэл хувцас экспортлох зорилтын хүрээд олон улсад хүлээн зөвшөөрөгдөх нийгмийн хариуцлагатай үйлдвэрлэлийн баталгаажилт /Worldwide Responsible Accredited Production/-тай үйлдвэрлэгчдийг бий болгохоор ажилллаж байна.  Энэ хүрээнд салбарын үйлдвэрлэл эрхлэгч, эрдэм шинжилгээний байгууллагын төлөөллийн хамт  Бүгд Найрамдах Социалист Вьетнам Улсын Аж үйлдвэр, худалдааны Яамны урилгаар тус улсад туршлага судлах ажлыг зохион байгууллаа.

  • Азийн хөгжлийн банкны хөнгөлөлттэй зээлээр хэрэгжиж буй “Хөдөө аж ахуй хөдөөгийн хөгжил төслийн нэмэлт санхүүжилт төслийн үйл ажиллагааны хүрээнд тус төслийн хөрөнгөөр салбарын эрдэм шинжилгээний байгууллага Хувцас судлалын төвийг түшиглэн “Инновацийн лаборатори”-ийг байгуулав. “Инновацийн лаборатори” нь эрдэм шинжилгээ судалгааны ажлыг үйлдвэрлэлийн үйл ажиллагаатай уялдуулах, чадавхийг бэхжүүлэх, үйлдвэрлэгчдэд үйлчилгээ үзүүлэх, боловсон хүчнийг орчин үеийн дэвшилтэд техник технологитой танилцуулан, чадварлаг боловсон хүчнийг бэлтгэх, давтан сургах зэрэг олон талт үйл ажиллагааг цогцоор нь шийдвэрлэх боломж бүрдэж  байна.

  • Шинэ Коронавирусийн хурдацтай тархалтын улмаас дэлхийн улс орнууд онц байдал зарлаж, өндөржүүлсэн бэлэн байдалд байна. Манай улс энэ өвчний өндөр эрсдэлтэй улсад тооцогдож буй энэ үед иргэдийн дунд вирусийн эсрэг урьдчилан сэргийлэх амны хаалтны нийлүүлэлт дутагдалтай, эрэлт их байгаагаас үнэ нэмэгдэх асуудлууд тулгарч байна. Энэ үед ХХААХҮЯ-ны санаачлагаар, Оёдлын салбарын нэгдсэн мэргэжлийн холбооны гишүүн үйлдвэрүүд маск үйлдвэрлэж зорилтот бүлгийн иргэдэд үнэгүй тараах зорилгоор Эрүүл мэндийн яаманд 4000 ширхэгийг, Хөгжлийн бэрхшээлтэй хүний хөгжлийг хамгаалах ерөнхий газарт 1000 ширхэгийг өнөөдөр хүлээлгэн өглөө.
  • Мөн Дархан-Уул аймагт оёдлын үйлдвэрлэл эрхлэгч Шүтэн-Уул ХХК нь 1000 ширхэг маск үйлдвэрлэн аймгийнхаа Засаг даргын Тамгын газарт 2020 оны 02 сарын 05-ны өдөр хүлээлгэн өгсөн байна. Түүнчлэн маскын зах зээлийн эрэлт, үнийн хөөрөгдлөөс үүссэн нөхцөл байдлыг харгалзан үзэж үйлдвэрлэгчидтэй хамтран ажиллаж кластераар богино хугацаанд халдварт өвчин судлалын үндэсний төвийн зөвлөмжийн дагуу үйлдвэрлэн зах зээлд зохион байгуулалттайгаар нийлүүлэх ажлыг зохион байгууллаа.

Салбарт хийгдэж буй гол ажлуудаас дурдвал Хүнс, хөдөө аж ахуй, хөнгөн үйлдвэрийн яамны захиалгаар Азийн хөгжлийн банкны санхүүжилтээр хэрэгжүүлж буй "Хөдөө аж ахуйн нэмүү өртгийн сүлжээг дэмжих төсөл"-ийн хүрээнд “Оёмол бүтээгдэхүүн, хувцас үйлдвэрлэлийн салбарын үндэсний мэдээллийн сан бүрдүүлэх, үйлдвэрлэл төрөлжүүлэх судалгаа” ажлыг гүйцэтгүүлэхээр төлөвлөж байна. энэхүү судалгааны ажлын үр дүн нь салбарын суурь судалгааг өргөн хүрээнд хийж, үнэн бодитой мэдээлэл цуглуулан мэдээллийн бааз бий болгох, түүнд тулгуурлан цаашдын бодлого төлөвлөлтийг оновчтой хийх, хөгжлийн хөтөлбөр боловсруулахад гол хувь нэмэр болно гэж байна  Уг мэдээлэл цуглуулах ажлын хүрээнд бүтээгдэхүүн үйлдвэрлэл төрөлжүүлэх асуудал маш чухал хэсэг бөгөөд ямар нэр төрлийн бүтээгдэхүүнийг ямар хэмжээгээр, ямар хүчин чадлаар, ямар үйлдвэр аж ахуйн нэгжүүд үйлдвэрлэж байгаа асуудал. Ийнхүү  бодит мэдээлэл бий болсноор салбарын хөгжүүлэх  бодлого төлөвлөлт илүү оновчтой  болох юм. Уг судалгааны ажлын үр дүнг салбарын цаашдын хөгжлийн бодлого төлөвлөлт хийхэд ашиглаж, “Оёмол бүтээгдэхүүн, хувцас үйлдвэрлэлийн салбарыг хөгжүүлэх хөтөлбөр” боловсруулан хэрэгжүүлж эрэлтэд нийцсэн, чанар стандартын шаардлага хангасан импортыг орлох, экспортын бүтээгдэхүүн үйлдвэрлэлийг нэмэгдүүлэхийг зорьж байна.

Монгол Улсын Үндэсний Статистикийн Хорооноос гаргасан  мэдээгээр Оёмол бүтээгдэхүүний үйлдвэрлэлийн талаарх тоон мэдээллийг гол нэр төрлөөр нь авч үзвэл:

АЖ ҮЙЛДВЭРИЙН САЛБАРЫН НИЙТ ҮЙЛДВЭРЛЭЛ, ОНЫ ҮНЭЭР, САЛБАРААР /тэрбум төгрөг/

Салбар

2009

2010

2011

2012

2013

2014

2015

2016

2017

2018

2019*

Бүгд

3594.5

6481.3

8777.3

9281.3

10443.7

14402.9

14803.2

15663.8

20963.2

26512.0

30072.0

Боловсруулах үйлдвэр

928.8

1617.1

2272.8

3012.1

3212.8

4042.7

5320.2

5210.1

6780.3

8635.0

9873.0

Хувцас үйлдвэрлэл

20.8

138.1

201.5

204.3

226.3

276.9

288.7

334.0

426.5

519.0

516.0

АЖ ҮЙЛДВЭРИЙН САЛБАРЫН НИЙТ БОРЛУУЛАЛТ, ОНЫ ҮНЭЭР, САЛБАРААР /тэрбум төгрөг/

Салбар

2009

2010

2011

2012

2013

2014

2015

2016

2017

2018

2019*

Нийт дүн

3073.5

4456.1

5596.4

6223.7

6661.1

11108.0

9998.1

11067.0

15160.7

1847.3

1702.7

Боловсруулах аж үйлдвэр

755.5

930.1

1551.6

1940.1

2090.6

2532.0

2092.2

2323.2

3665.9

419.6

491.3

Хувцас үйлдвэрлэл, үслэг арьс боловсруулалт

7.7

8.7

11.9

17.1

29.0

30.3

33.1

33.0

48.6

50.2

43.2

 
СҮЛЖМЭЛ ЭДЛЭЛ, ОЁМОЛ ХУВЦАС ҮЙЛДВЭРЛЭЛИЙН ДЭЛГЭРЭНГҮЙ МЭДЭЭЛЛИЙГ ЭНД ДАРЖ ҮЗНЭ ҮҮ.
Зохиогчийн эрх ©2020 Хүнс, хөдөө аж ахуй, хөнгөн үйлдвэрийн яам